சில ரோஜாக்கள்

நீங்கின் தெறூஉங் குறுகுங்கால் தண்ணென்னும்
தீயாண்டுப் பெற்றாள் இவள்.

(குறள் எண் 1104)

தன்னை விட்டு விலகிச் சென்றால் சுடுதலும், அருகில் வந்தால் குளிர்தலுமாகிய நெருப்பை, இவள் எங்கிருந்துதான் பெற்றாளோ?

உன் ஊடல் விலகலின்
நெருப்பு காத்திருக்கிறது
நீ வந்து அணைக்க
நீ வந்து அணைக்க
~~~~~~~~~~~~~~~~~~~~~~~~~~~~~~~
காதல் பனிமழை
குளிரிது குளிருது
ஒரே மருந்து
உன் நெருப்பு
~~~~~~~~~~~~~~~~~~~~~~~~~~~~~~~
உன் பார்வை வெப்பம் பயந்தே
நெருங்குகிறேன் நான்
நெருக்கத்தில் குளிரும்
நெருப்பு நீ!
~~~~~~~~~~~~~~~~~~~~~~~~~~~~~~~
உன் நெருப்பில் எனை எரி
என் நெருப்பில் நீ எரி
பிறக்கட்டும் புதிய பீனிக்ஸ்
~~~~~~~~~~~~~~~~~~~~~~~~~~~~~~~
உன் பார்வை வெப்பமின்றி
எரிகிறேன் நான் ஊடலில்
உன் தேக வெப்பம் பெற்று
குளிர்கிறேன் நான் கூடலில்